SPB – Tetovë me aksion kontrollues mbi gjendjen teknik të automjeteve që merren me transport publik

21:30 | 1 Shtator 2020
Arditë Shkodra

Siç njoftojnë nga MPB, gjatë ditës së djeshme nga ora 7 e mëngjesit e deri në ora 12, në rajonin e SPB-Tetovë ka pasur aksion kontrollues mbi gjendjen teknike të automjeteve të cilat merren me transport publik.

Gjatë këtij aksioni gjithsej janë kontrolluar 100 automjete, 81 në Tetovë dhe 19 në Gostivar, prej ku janë konstatuar 21 shkelje, Tetovë 11 dhe 10 në Gostivar.

“Më shumë lëshime janë hasur te gjendja jo e mirë e frenave, Tetovë 10 dhe Gostivar 3. Janë konstatuar probleme edhe me dritat e automjeteve, pajisje dhe të tjera”, thonë nga policia.

Shkeljet e zbuluara në këtë kontroll veprimi janë sanksionuan me parashtresa adekuate, dhe 19 automjete janë përjashtuar menjëherë nga trafiku. Gjatë kontrollit, janë konstatuar edhe 6 lloje të tjera të shkeljeve.

Shpërndaje në rrjete sociale

Lajmet më të lexuara

Të ngjashme

Foto lajm